2015

Sett av helga 22-24 januar, for då skal me ha vintersamling med NAMK Rogaland på Gullingen i Suldal. Sjå meir informasjon her: http://www.namk.no/alaskan-malamute/846-vintersamling-i-rogaland

Tom stilte på NKK Rogaland i dag. Der fekk han excellent, ck, cert, cacib og vart BIM for dommar Annika Ulltveit-Moe 😀 Han vart då og Norsk Utstillingschampion 🤪

Sjølv om sauene kom seint til heis i år, var det plutseleg på tide å få dei heim att 🙂 Me hadde god hjelp av GPS bjøllene, samt nydeleg haustver, og siste sauen var på hegna laurdag kveld 😀 Det er fyrste gong me har funne alle sauene i hovedsankinga 🤪 Tap i år vart 1 sau og 2 lam.

Foto: Camilla Brøgger

Etter ei veke med sommarferie på hytta på Vinstra, tok me turen innom Polar Gold Cup i Danmark på veg heim. Me stilte Tom, og han fekk very good begge dagar for dommarane Mardee Dee Ward og Lee Anne Bateman.

Denne sommaren kjem me nok ikkje til å gløyme med det heilt fyrste. Store snømengder i heia i vinter, saman med ein kald vår og sommar, gjorde at snøen låg tjukk på sauebeitet når me vanlegvis slepp sauene til heis. Grunna den kalde våren var det heller ikkje mykje beite heime, så sauene fekk beite alt me har av grønt og skog. Men med litt is i magen, og eigen transport med 10 søyer på lasset, fekk me i løpet av juli dei fleste av sauene til heis 😎

Tom var på NKK Drammen i dag. Der fekk han excellent for dommar Diane T. Anderson.

Surt og kaldt på Ølmedal rundt i år, men Tom og Gillan var glade for å vera med på tur 🙂

Det er alltid nokon som har det litt travelt, så då har årets fyrste lam komme til verden 🙂

Denne helga var det NAMK samling på Gåsbu utanfor Hamar. Det var ein glad gjeng hundar og eigarar som var samla i strålande sol heile helga. Tom og Gunnleiv fekk prøve seg på malamutetest 1 (einspanntesten) og klarte denne med glans 😎

Tom

Nå er det lenge sidan forrige oppdatering, og me er godt i gong med eit nytt år. I veke 7 og 8 var me på hytta til Torhild og Petter i Sverige. Hundane kosa seg i snøen, og me fekk mange fine treningsturar på ski. Helga i veke 7 var det Vildmarksdraget i Nornäs. Tom og Gunnleiv starta 10 km mosjonsløp utan vekt begge dagar, og fullførte med god stil. Dixie fekk lov å prøve seg på den svenske einspanntesten (DP10), men det gjekk litt for seint til å få godkjent test.

Hedda bakerst til høgre.

Hedda har vore så heldig å fått lov å flytte til Torhild og Petter. Det ser ut til at ho har funne seg godt til rette, og trivs med å gå i spann 🙂